जोडिनुहोस
शुक्रबार, फाल्गुन ११, २०८०
शुक्रबार, फाल्गुन ११, २०८०
  • होमपेज
  • पाकिस्तानको मस्जिद विस्फोटमा मृत्यु हुनेको सङ्ख्या ९२ पुग्यो

पाकिस्तानको मस्जिद विस्फोटमा मृत्यु हुनेको सङ्ख्या ९२ पुग्यो

पाकिस्तानको पेशावर सहरको पुलिस लाइन मस्जिदमा भएको विस्फोटमा मृत्यु हुनेको सङ्ख्या ९२ पुगेको छ । बीबीसी उर्दू रिपोर्टका अनुसार अस्पतालमा ल्याइएका सबैको पहिचानको काम सकिएको छ ।

हाल पेशावरको लेडी रिडिङ अस्पतालमा ५७ घाइतेको उपचार भइरहेको छ । १ सय ५७ घाइतेलाई अस्पताल ल्याइएको थियो, जसमध्ये अधिकांशलाई उपचारपछि घर पठाइएको छ ।

रेस्क्यू ११२२ पेशावरका अनुसार मस्जिद भवनको भग्नावशेषमा कोही पनि फसेका छैनन् । विस्फोटपछि सुरु भएको अभियानमा भग्नावशेषबाट २४ जनाको शव निकालिएको र नौ जनाको जीवितै उद्धार गरिएको उद्धार संस्थाका अधिकारीहरूले बताएका छन् ।

अहिले भग्नावशेष हटाउने काम अन्तिम चरणमा पुगेको अधिकारीहरूले बताएका छन् ।

अर्कोतर्फ, भारतको विदेश मन्त्रालयका प्रवक्ता अरिन्दम बागचीले भने, ‘भारतले हिजो पेशावरमा भएको आतङ्कवादी हमलामा मारिएकाहरूका परिवारप्रति संवेदना व्यक्त गर्दछ । हामी यस हमलाको कडा निन्दा गर्दछौँ जसले धेरैको ज्यान लियो ।’

 

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका