काठमाडौं । युरोपा लिग अन्तर्गत नकआउट चरणको प्ले अफको पहिलो लेगमा म्यानचेस्टर युनाईटेड र बार्सिलोनाले बराबरी खेलेका छन् ।
क्याम्पनाउमा बिहीबार राति भएको खेलमा युनाईटेड र बार्सिलोनाले २-२ गोलको बराबरी खेलेका हुन् । रोमान्चक खेलमा सुरुआती अग्रता बार्सिलोनाले बनाएको थियो ।
खेलको ५० औं मिनेटमा मार्कस अलन्सोले गोल गर्दै बार्सिलोनालाई सुरुआती अग्रता दिलाएका थिए ।
तर, मार्कुस राषफोर्डले ५२ औं मिनेटमा गोल गर्दै युनाईटेडलाई १-१ गोलको बराबरीमा ल्याए ।
खेलको ५९ औं मिनेटमा बार्सिलोनाका जुल्स कुन्डेले आत्मघाती गोल गरेपछि युनाईटेड २-१ ले अघि रह्यो ।
तर, खेलको ७६ औं मिनेटमा राफिन्हाले गोल गर्दै बार्सिलोनालाई २-२ को बराबरीमा ल्याउदै हारबाट जोगाए ।
दुई टोलीबीचको दोस्रो लेग फेब्रुअरी २४ मा हुनेछ । खेल युनाईटेडको मैदान ओल्ड ट्राफोर्डमा हुनेछ ।
सम्बन्धित समाचार
लोकप्रिय समाचार
