काठमाडौँ—स्पेनिस ला लिगा फुटबलमा शीर्ष स्थानको बार्सिलोना विजयी भएको छ ।
आज विहान भएको खेलमा बार्सिलोनाले कार्डिजलाई २–० गोल अन्तरको जित दर्ता गरेको हो ।
घरेलु मैदानमा सर्जी रोबर्टोले ४३ औं मिनेटमा गोल गर्दै बार्सिलोनलाई अग्रता दिलाएका थिए ।
पहिलो हाफकै अतिरिक्त समयमा रोबर्ट लेवान्डोस्कीले अग्रता दोब्बर बनाए ।
दोस्रो हाफमा भने थप गोल निस्किएन ।
जितसँगै शीर्ष स्थानको बार्सिलोनाको २२ खेलबाट ५९ अंक भएको छ ।
समान खेलबाट रियल मड्रिडको ५१ अंक रहेको छ ।
बार्सिलोना र रियलबीचको अंक दूरी ८ रहेको छ ।
यस्तै अन्य खेलमा एथ्लेटिको मड्रिडले एथ्लेटिको बिलबाओलाई १–० गोल अन्तरले पराजित गर्दा स्पानियोलले एल्चेमाथि १–० को जित दर्ता गरेको छ ।
भालकानो र सेभिल्ला भने १–१ गोलको बराबरीमा रोकिए ।
सम्बन्धित समाचार
लोकप्रिय समाचार
