काठमाडौँ । पछिल्लो राजनीतिक घटनाक्रमको बारेमा छलफल गर्न जनता समाजवादी पार्टीले केन्द्रीय कार्यकारिणी समितिको बैठक बोलाएको छ । आज साँझ ६ बजेका लागि बालकुमारीस्थित पार्टी कार्यालयमा जसपाले बैठक बोलाएको हो ।
बैठकमा बालुवाटारमा चार दल (काँग्रेस, माओवादी केन्द्र, जसपा, समाजवादी) बीच भएको सहमतिबारे छलफल हुने जसपाका कार्यकारिणी सदस्य राजकिशोर यादवले बताए ।
‘जसपाले उपराष्ट्रपति पाउने लगभग निश्चित छ, त्यसको बारेमा पनि बैठकमा छलफल हुन्छ’ उनले भने । ‘भोलि राष्ट्रपतिका लागि उम्मेदवारी दिने दिन हो, त्यसमा पार्टीको कस्तो भूमिका हुनुपर्छ भन्ने लगायतका विषयमा पनि छलफल हुन्छ’ उनले भने । बैठकमा शक्ति बाँडफाँटको विषयमा पनि छलफल हुने बताइएको छ ।
सम्बन्धित समाचार
लोकप्रिय समाचार
