काठमाडौं । जर्मन क्लब बायर्न म्युनिख च्याम्पियन्स लिग फुटबलको क्वाटरफाइनलमा प्रवेश गरेको छ ।
बुधबार राति फ्रेन्च क्लब पेरिस सेन्ट जर्मेन (पीएसजी) लाई दोस्रो लेगमा २-० गोल अन्तरले हराउँदै समग्रमा ३-० को जितसहित बायर्न अन्तिम आठमा पुगेको हो ।
राउण्ड अफ १६ अन्तर्गतको पहिलो लेगमा बायर्न १-० ले विजयी भएको थियो । बायर्नको जितमा एरिक म्याक्सिम मोटीङ र सेर्जी जिनाब्रीले एक एक गोल गरे ।
खेलको ६१ औं मिनेटमा मोटीङले गोल गर्दै बायर्नलाई सुरुआती अग्रता दिलाएका थिए । त्यसपछि खेलको ८९ औं मिनेटमा जिनाब्रीले गोल गर्दै बायर्नलाई २-० को जित दिलाए ।
सम्बन्धित समाचार
लोकप्रिय समाचार
