जोडिनुहोस
  • होमपेज
  • पाकिस्तानमा भूकम्पमा परी कम्तीमा १२ जनाको मृत्यु, १७५ घाइते

पाकिस्तानमा भूकम्पमा परी कम्तीमा १२ जनाको मृत्यु, १७५ घाइते

पाकिस्तानको खैबर पख्तुनख्वा प्रान्तमा मङ्गलवार राति गएको भूकम्पमा परी कम्तीमा ९ जनाको मृत्यु भएको छ भने ४६ जना घाइते भएका छन् । हालसम्म पाकिस्तानमा खैबर पख्तुनख्वा प्रान्तमा मात्रै भूकम्पका कारण क्षति भएको विवरण प्राप्त भएको छ ।

पाकिस्तानमा मङ्गलवार राति ६.८ रेक्टर स्केलको भूकम्प गएको छ । यसको केन्द्र अफगानिस्तानको हिन्दु कुश क्षेत्र भनिएको छ । भारतको राजधानी दिल्लीसहित उत्तर भारतका धेरै ठाउँमा पनि भूकम्पको धक्का महसुस गरिएको छ ।

खैबर पख्तुनख्वा प्रान्तको जिल्ला प्रकोप व्यवस्थापन प्राधिकरणका अनुसार अहिलेसम्म सबैभन्दा बढी मृत्यु स्वात जिल्लामा भएको छ ।

अधिकारीका अनुसार पहिरोका कारण स्वात कलाम सडक पनि बन्द भएको छ । यसपछि तल्लो दिरमा चार जनाको मृत्यु भएको छ भने २७ जना घाइते भएका छन् । यस्तै, मलाकन्दमा एक जनाको मृत्यु भएको छ ।

स्वात सैदु शरीफ अस्पतालमा आपतकालिन अवस्था घोषणा गरिएको छ, जबकि जिल्ला प्रहरी अधिकारी शफिउल्लाहले सबै कर्मचारीहरूलाई सतर्क गराइएको र सबै घाइतेहरूलाई चिकित्सा सुविधा उपलब्ध गराइएको बताए ।

खैबर पख्तुनख्वा प्रान्तका विभिन्न क्षेत्रहरूबाट छतहरू भत्किने र भवनहरूमा क्षति पुगेको पनि रिपोर्टहरू आइरहेका छन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

धेरै टिप्पणी गरिएका