काठमाडौं । युरोकप छनोटमा इंग्ल्यान्डले इटालीलाई पराजित गरेको छ । बिहीबार राति भएको खेलमा इंग्ल्यान्डले इटालीलाई २-१ गोल अन्तरले हराएको हो ।
खेलको १३ औं मिनेटमा डिक्लेन राइसले गोल गर्दै इंग्ल्यान्डलाई सुरुआती अग्रता दिलाएका थिए ।
खेलको ४४ औं मिनेटमा ह्यारी केनले पेनाल्टीमार्फत गोल गर्दा इंग्ल्यान्ड २-० ले अघि रह्यो । यस गोलसँगै केन इंग्ल्यान्डका लागि सर्वाधिक धेरै गोल गर्ने खेलाडी बनेका छन् ।
केनको यो ५४ औं गोल हो । उनले पूर्व फरवार्ड वायन रोनीको नाममा ५३ गोलको कीर्तिमान तोडेका हुन् ।
त्यसपछि खेलको ५६ औं मिनेटमा इटालीका माटियो रेटेगुईले गोल गरेपनि इंग्ल्यान्ड २-१ ले विजयी भयो ।
यस्तै खेलको ८० औं मिनेटमा लुक शले रातो कार्ड पाएपछि इंग्ल्यान्ड १० खेलाडीमा समेटिएको थियो ।
इंग्ल्यान्डले इटालीलाई सन् १९६१ पछि पहिलो पटक हराएको हो । यस जितसँगै छनोटको समूह ‘सी’ मा रहेको इंग्ल्यान्डले ३ अंक जोडेको छ ।
