काठमाडौँ । अफगानिस्तानको राजधानी काबुलमा भएको आत्मघाती विस्फोटमा परी कम्तीमा छ जनाको मृत्यु भएको छ ।
काबुलका प्रहरी अधिकारीहरूले उक्त विस्फोट परराष्ट्र मन्त्रालय नजिक भएको बताएका छन् । मारिने सबै सर्वसाधारण सर्वसाधारण रहेको प्रहरी अधिकारीहरुले जनाएका छन् । विष्फोटमा १२ जना घाइते भएको उनले बताए ।
विस्फोट भएको क्षेत्रमा अहिले सुरक्षा व्यवस्था कडा पारिएको स्थानीय मिडियाहरुले उल्लेख गरेका छन् । अफगानिस्तान सरकारका धेरै कार्यालय र विदेशी राजदुताबासका कार्यालय यस क्षेत्रमा रहेका छन् ।
आक्रमणको पछाडि कुन संगठनको हात रहेको भन्ने अझै स्पष्ट भइसकेको छैन । स्थानीय सञ्चारमाध्यमले प्रत्यक्षदर्शीलाई उद्धृत गर्दै विस्फोटको आवाज निकै ठूलो भएको बताएका छन् । जनवरी महिनामा अफगानिस्तानको विदेश मन्त्रालयमा पनि विस्फोट भएको थियो । यसमा धेरैको ज्यान गएको थियो ।
जनवरीमा भएको विस्फोटको जिम्मेवारी आइएसआईएसले लिएको थियो ।
