काठमाडौं । युरोकप छनोटमा स्विडेनले फराकिलो जित निकालेको छ । सोमबार राति भएको खेलमा स्विडेनले अजरबैजानलाई ५-० गोल अन्तरले हराएको हो ।
खेलको ३८ औं मिनेटमा इमिल फोर्सवर्गले गोल गर्दै टोलीलाई सुरुआती अग्रता दिलाएका थिए ।
अजरबैजानका मुस्ताफजादाले ६५ मिनेटमा आत्मघाती गोल गर्दा स्विडेनले २-० को अग्रता बनायो ।
७९ औं मिनेटमा भिक्टर ग्योकेरेर्सले गोल गर्दै स्विडेनलाई ३-० को अग्रता दिलाए ।
खेलको ८८ औं मिनेटमा जेस्पर कार्ल्सनले गोल गरेपछि स्विडेन ४-० ले अघि रह्यो ।
त्यसपछि खेलको ८९ औं मिनेटमा एन्थोनी एलेन्गाले गोल गर्दा स्विडेन ५-० ले विजजी भयो ।
स्विडेनको यो पहिलो जित हो । जितसँगै समूह एफ को स्विडेनले २ खेलमा ३ अंक जोडेको छ ।
लगातार दुई खेलमा हार व्यहोरेको अजरबैजानले अंक जोड्न सकेको छैन ।
सम्बन्धित समाचार
लोकप्रिय समाचार
