काठमाडौं– नेपाल उद्योग वाणिज्य महासंघको नयाँ कार्यसमिति चयन गर्न मतदान सुरु भएको छ ।
एक वरिष्ठ उपाध्यक्ष, तीन उपाध्यक्ष र ५९ जना कार्यसमिति सदस्य चयन गर्न काठमाडौंको कमलादीस्थित नेपाल प्रज्ञा प्रतिष्ठानमा मतदान सुरु भएको हो ।
वरिष्ठ उपाध्यक्ष नै अर्को कार्यकालमा स्वतह अध्यक्ष हुने व्यवस्थाका कारण महासंघको निर्वाचन वरिष्ठ उपाध्यक्ष केन्द्रित हुने गरेको छ । अहिले वरिष्ठ उपाध्यक्षको दौडमा उमेशलाल श्रेष्ठ, रामचन्द्र संघाइ र अञ्जन श्रेष्ठ प्यानलसहित प्रतिस्पर्धामा छन्।
वरिष्ठ उपाध्यक्षका उम्मेद्वारले ५० प्रतिशत भन्दा बढी मत नपाएमा पुन चुनाव हुनेछ । वस्तुगत उपाध्यक्ष अन्जन श्रेष्ठ, एशोसिएट उपाध्यक्ष रामचन्द्र संघई र उमेशलाल श्रेष्ठले प्यानलनै बनाएर निर्वाचनमा होमिएका छन्। यी तीनै जना उम्मेद्वारले ५० प्रतिशत मत पाउने सम्भावना कम देखिएको छ।
सम्बन्धित समाचार
लोकप्रिय समाचार
