काठमाडौँ । इण्डियन प्रिमियर लिग (आइपिएल) अन्तर्गत चेन्नई सुपरकिंग्सले सनराइजर्स हैदरावादलाई ७ विकेटले पराजित गरेको छ ।
गएराती सम्पन्न खेलमा सनराइजर्सले दिएको १३५ रनको लक्ष्य पछाएको चेन्नईले १८।४ ओभरमा ३ विकेट गुमाउदै लक्ष्य पुरा गरेको थियो ।
चेन्नईको जितमा डेभोन कोनवेले सर्बाधिक ७७ रन बनाए भने रुतुराज गायकवाडले ३५ रन बनाएका थिए । त्यस्तै आजिख्य रहाने र अम्बाती रायाडूले ९(९ तथा मोइन अलीले ६ रन बनाए ।
यसअघि टस हारेर पहिला ब्याटिंग गरेको सनराइजर्स हैदरावादले २० ओभरमा ७ विकेट गुमाउदै १३४ रन बनाएको थियो ।
सनराइजर्सका लागि अभिषेक शर्माले सर्बाधिक ३४ रन बनाए भने राहुल त्रिपाठीले २१, ह्यारी ब्रुकले १८, कप्तान एडेन मार्क्रमले १२ हेइनरिच क्लासेन र मार्को जानसेनले १७.१७ रन बनाएका थिए ।
त्यसैगरी चेन्नईका बलर रविन्द्र जडेजाले ३ विकेट लिए भने आकाश सिंह, महीश थीकशना र मथीशा पाथिरानाले एक एक विकेट लिएका थिए ।
यो जितसँगै चेन्नईले ६ खेलमा ८ अंक हासिल गर्दै तेस्रो स्थानमा उक्लिएको छ भने सनराइजर्सको ६ खेलमा २ जित र ४ हारसहित ४ अंक रहेको छ ।
सम्बन्धित समाचार
लोकप्रिय समाचार
