काठमाडौं । स्पेनिस ला लिगा फुटबलमा शीर्ष स्थानको बार्सिलोना पराजित भएको छ । बुधबार राति भएको खेलमा बार्सिलोनालाई रायो भालेकानोले २-१ गोल अन्तरले हराएको हो ।
खेलको १९ औं मिनेटमा अल्भारो गार्सिया रिभेराले गोल गर्दै भालेकानोलाई सुरुआती अग्रता दिलाएका थिए ।
खेलको ५३ औं मिनेटमा फ्रान गार्सियाले गोल गर्दै घरेलु टोलीलाई २-० को अग्रता दिलाए ।
त्यसपछि खेलको ८३ औं मिनेटमा रोबर्टो लेवान्डोस्कीले गोल गरेपनि बार्सिलोना २-१ ले पराजित भयो ।
भालेकानोसँग पराजित भएपनि बार्सिलोना शीर्ष स्थानमा यथावत रहेको छ ।बार्सिलोनाले ३१ खेलमा ७६ अंक जोडेको छ । भालेकानो ३१ खेलमा ४३ अंक जोडेर नवौं स्थानमा रहेको छ ।
सम्बन्धित समाचार
लोकप्रिय समाचार
