जोडिनुहोस
  • होमपेज
  • नेपालबाट साढे २ करोडको रुद्राक्ष निर्यात

नेपालबाट साढे २ करोडको रुद्राक्ष निर्यात

काठमाडौँ । नेपालबाट चालू आर्थिक वर्षको ९ महिनाको अवधिमा साढे २ करोड रुपैयाँ बराबरको रुद्राक्ष निर्यात भएको छ । चालू आर्थिक वर्ष २०७९/८० को साउनदेखि चैत महिनासम्मको अवधिमा २ करोड ४९ लाख रुपैयाँ बराबरको रुद्राक्ष निर्यात भएको हो ।

यस अवधिमा ६लाख १३ हजार किलोग्राम रुद्राक्ष निर्यात भएको भन्सार विभागको तथ्याङ्कले देखाएको छ । नेपालबाट चीन, अमेरिका र भारतमा रुद्राक्ष निर्यात हुँदै आइरहेको छ । सबैभन्दा धेरै भारततर्फ १ करोड १० लाख रुपैयाँको रुद्राक्ष निर्यात भएको छ ।

यसपछि, चीनमा ७८ लाख ८० हजार र अमेरिकामा ६० लाख ३६ हजार रुपैयाँ बराबरको रुद्राक्ष निर्यात भएको छ । यस्तै, विदेशतर्फबाट समेत नेपालमा रुद्राक्ष आयात हुने गरेको छ । यस अवधिमा ४ लाख रुपैयाँ बराबरको १ हजार किलोग्राम रुद्राक्ष आयात भएको छ ।

 

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका