काठमाडौँ । प्रतिनिधिसभा सदस्य टोपबहादुर रायमाझी पक्राउ परेको जानकारी पत्र प्रहरीले सभामुखलाई बुझाएको छ ।
सभामुख देवराज घिमिरेले प्रतिनिधि सभा नियमावली, २०७९ को नियम २४८ (१) बमोजिम सदनलाई रायमाझी पक्राउको जानकारी सोमबारको बैठकमा गराउने कार्यक्रम रहेको सभामुखको सचिवालयले जनाएको छ ।
नक्कली भुटानी शरणार्थी प्रकरणमा अदालतले पक्राउ पुर्जी जारी गरेको ११ दिनपछि रायमाझी आइतबार बेलुका काठमाडौँको बुढानीलकण्ठबाट पक्राउ परेका थिए ।
सोमबार उनलाई सरकारी वकिलको कार्यालयले अनुसन्धानका लागि म्याद थप गर्न काठमाडौँ जिल्ला अदालत लगेको छ । रायमाझीसँगै यो प्रकरणमा १३ पक्राउ परेका छन् ।
सम्बन्धित समाचार
लोकप्रिय समाचार
