नयाँ राष्ट्रपतिका लागि टर्कीमा आज दोस्रो चरणको मतदान हुँदै छ । पहिलो चरणको निर्वाचनमा वर्तमान राष्ट्रपति रेसेप तैयप अर्दोआन र उनका प्रतिद्वन्द्वी कमल कलचदारलुमध्ये कसैले पनि ५० प्रतिशत मत प्राप्त गर्न सकेनन् । त्यसैले अहिले यी दुईबीच दोस्रो चरणको निर्वाचन हुँदै छ ।
टर्कीमा राष्ट्रपति बन्न ५० प्रतिशतभन्दा बढी मत चाहिन्छ । यदि कुनै उम्मेदवारले यति धेरै मत पाएनन् भने दोस्रो चरणको मतदानको स्थिति रहन्छ ।
टर्कीमा राष्ट्रपति चुनावको पहिलो चरणमा अर्दोआनले ४९.५ प्रतिशत भोट पाएका थिए भने कमाल कलचदरालुले ४४.५ प्रतिशत भोट पाएका थिए ।
टर्कीमा अर्दोआन पछिल्लो २० वर्षदेखि सत्तामा छन् । टर्कीको इतिहासमा पहिलो पटक राष्ट्रपति छान्नका लागि दोस्रो चरणको मतदान गर्नुपरेको हो ।
रेचेप तैय्यप अर्दोआनले चुनाव जितेको खण्डमा टर्कीले एक नयाँ शताब्दी देख्ने बचन दिएका छन् ।
अर्दोआनले देशको थप विकास गर्ने र यसलाई बलियो बनाउने कुरामा उनका समर्थक ढुक्क छन् ।
