गोरखाको सहिद लखन गाउँपालिका वडा नं. ६, घैरुङका मृगौला पीडित विकास श्रेष्ठलाई आर्थिक अभावको कारण उपचारमा समस्या भएको छ । केही समय अगाडि दुवै मृगौला फेल भएका ३० वर्षीय श्रेष्ठले निरन्तर रुपमा डायालिसस गर्दै आइरहेका छन् । निम्न परिवारका श्रेष्ठको महिनामा चारपटक डायलसिस गर्नुपर्दा आर्थिक अभावले उपचारमा समस्या भएको पीडित परिवारको गुनासो छ ।

डायलसिस भन्दा पनि समयमै मृगौला प्रत्यारोपण गर्न चिकित्सकले सुझाव दिएका छन् । जसका कारण पीडित परिवार मृगौला प्रत्यारोपणको तयारीमा जुटेको छ । तर खर्चको अभावमा मृगौला प्रत्यारोपण गर्न समेत समस्या भएको परिवारले बताएको छ ।

किष्ट अस्पतालमा मृगौला प्रत्यारोपणको तयारी भइरहेको छ । तर भएको जायजेथा समेत डायलसिस गर्दा सकिए पछि कसरी मृगौला प्रत्यारोपण गर्ने भन्ने चिन्तामा परिवार छ । जसका लागी पीडित परिवारले उपचारको लागि सहयोगको अपिल गरेको छ ।

दुवै मृगौला फेल भएका श्रेष्ठको उपचारमा अब करिब २० लाख लाग्ने बताइएको छ । तर यस अघिको उपचारमा सबै खर्च भइसकेको र साथमा उपचार खर्च नरहेकाले पीडित परिवारले सहयोगको अपेक्षा गरेको हो । श्रेष्ठको उपचारमा सहयोग गर्न चाहानेले पीडित विकास श्रेष्ठको नाममा रहेको प्राइम कमर्सियल बैंकको ०१९००३१C६ खातामा समेत सहयोग गर्न सकिन्छ । त्यस्तै उनलाई सहयोग गर्न ९८५६०९०५८५ मा सम्पर्क पनि गर्न सकिने परिवारले जनाएको छ ।