काठमाडौं । स्पेनिस ला लिगा फुटबलमा रियल मड्रिडले एथ्लेटिक बिल्बाओसँग बराबरी खेलेको छ ।
आइतबार राति भएको सिजनको आफ्नो अन्तिम खेलमा रियलले बिल्बाओसँग १-१ गोलको बराबरी खेलेको हो ।
बिदाइ खेल खेलेका स्ट्राइकर करिम बेन्जिमाले गोल गरेपछि रियल हारबाट जोगिएको हो ।
बेन्जिमाले १४ वर्षपछि रियल छाड्ने घोषणा गरिसकेका छन् । उनले खेलको ७२ औं मिनेटमा पेनाल्टी मार्फत गोल गरेका थिए ।
त्यसअघि खेलको ४९ औं मिनेटमा ओइहान सानसेटले गोल गर्दै बिल्बाओलाई अग्रता दिलाएका थिए ।
यस बराबरीसँगै रियलले ३८ खेलमा ७८ अंक जोडेको छ । रियलले दोस्रो स्थानमा रहदै सिजनको अन्त्य गरेको छ ।
बिल्बाओ ५१ अंक जोडेर आठौं स्थानमा रह्यो ।
सम्बन्धित समाचार
लोकप्रिय समाचार
