काठमाडौं । युरोकप छनोटमा स्विट्जरल्यान्डले फराकिलो जित निकालेको छ ।शनिबार राति भएको खेलमा स्विट्जरल्यान्डले बेलारुसलाई ५-० गोल अन्तरले हराएको हो ।
स्विट्जरल्यान्डको जितमा रेनेटो स्टेफेनले ह्याट्रिक गोल गरे । यस्तै ग्रानिट जाका र जेकी अम्डोउनीले एक एक गोल गरे ।
स्टेफेनले पहिलो हाफमै ह्याट्रिक पूरा गरेका थिए । उनले खेलको चौंथो, १७ औं र २९ औं मिनेटमा गोल गर्दै ह्याट्रिक पूरा गरेका थिए ।
त्यसपछि ६२ औं मिनेटमा जाका र ६५ औं मिनेटमा जेकीले गोल गर्दै स्विट्जरल्यान्डको फराकिलो जित पक्का गरे ।
जितसँगै स्विट्जरल्यान्डले पहिलो खेलमै ३ अंक जोडेको छ । स्विट्जरल्यान्ड समूह आई को शीर्ष स्थानमा रहेको छ ।
बेलारुसले हारबाट प्रतियोगिताको सुरुआत गरेको छ ।
सम्बन्धित समाचार
