काठमाडौं।करिब ६१ किलो सुन तस्करी प्रकरणमा जिल्ला सरकारी वकिलको कार्यालय काठमाडौंले आइतबार मुद्दा दर्ता गर्ने भएको छ ।
प्रहरीबाट प्राप्त भएको अनुसन्धान प्रतिवेदनको अध्ययन सकाएर आज जिल्ला अदालतमा मुद्दा दर्ता गर्न लागिएको कार्यालय प्रमुख एवम् सहन्यायाधिवक्ता अच्युतमणि नेउपानेले जानकारी दिए ।
पछिल्लो ११ महिना मै करिब ३ सय ६३ केजी सुन तस्करी गरेको अभियोगमा पक्राउ परेका ३२ र फरार १८ लाई प्रतिवादी बनाएर प्रहरीको केन्द्रीय अनुसन्धान ९सीआईबी०ले ३ अर्ब ५० करोड बढीको बिगो मागदाबीसहित मुद्दा चलाउन राय दिएको छ ।
उनीहरूविरुद्ध सङ्गठित अपराध, सुन चोरी पैठारी, राष्ट्र बैक ऐन, नेपाल नागरिकता ऐन, राहदानी ऐन, अध्यागमन ऐन अनुसार कारबाही चलाउन सीआईबीको सुझाव छ । पक्राउ पर्नेमा ९ जना विदेशी नागरिकसहित भन्सार कर्मचारी, भन्सार एजेन्टसहित रहेका छन् । ५ जना चिनियाँले काभ्रे र काठमाडौंबाट नेपाली नागरिकता र राहदानी पनि बनाएको पाइएको छ ।
‘ब्रेक शु’सहित हङकङबाट नेपाल भित्रिएको सुन गत साउन २ गते राजस्व अनुसन्धान विभागले सिनामंगलबाट बरामद गरेको थियो । विभागले १९ दिन अनुसन्धान गरी थप अनुसन्धानको जिम्मा सीआईबीलाई दिएको थियो।
