आइतबार प्रतिनिधि सभा बैठकमा उनले महंगो संघीयतालाई नेपालले धान्न नसक्ने स्पष्ट भएको उल्लेख गर्दै अब संघीयताको मुरली बजाउन छाड्नुपर्ने तर्क गरे ।
उनले भने, ‘एउटा प्रदेशको ६ वर्षसम्म न्वारन हुन्न, त्यसपछि बल्ल न्वारन हुन्छ । बाहुनले नाम किटानी गरिसकेपछि त्यो नाम भएन भनेर फेरि त्यहाँ उत्पात मचिन्छ । कतिचोटी त्यहाँ सरकार बने, कति भत्किरहेछन् । यो जात्रा देख्न र सुन्न नेपाली जनताले परेको छ । तै पनि मान्यहरुले संघीयताको मुरली बजाइरहन्छन् । संघीयताले गरेर खाएन अब ।’
उनले संघीयतामा अनावश्यक खर्च भएकोप्रति व्यङ्ग्य गर्दै थपे,‘देख्नुभएन, मुख्य मन्त्रीहरुलाई काठमाडौं भैंसेपाटीमा दरबार बनाउने हो रु उहाँहरु प्रदेशबाट यहाँ बास बस्नपर्ने कठैबरा १ अवस्था यही हो अब चल्छ संघीयता रु सक्नुहुन्छ तपाइँहरुले धान्न रु लाज नमानिकन प्रजातान्त्रिक विकेन्द्रीकरण गरौँ । नगर र गाउँपालिकालाई अधिकार दिऔं । हामीले जति घोक्रो फुलाय पनि नेपाली जनतालाई संघीयता मान्य छैन भनेर कोशीमै देखाइराखेका छौं ।’
