काठमाडौं । भारतमा जारी इन्डियन प्रिमियर लिग(आइपीएल) मा आज शुक्रबार एक खेल हुदैछ । आइपीएल २०२३ को ५७ औं खेलमा मुम्बई इन्डियन्स र गुजरात टाईटन्सको बीचमा खेल हुनेछ ।
मुम्बईको घरेलु मैदान वांनखडेमा हुने खेल नेपाली समयअनुसार बेलुका पौने आठबाट हुनेछ । मुम्बईलले पछिल्लो खेलमा रोयल च्यालेन्जर्स बेंगलोरलाई पराजित गरेको थियो ।
आजको खेल जितेर मुम्बई प्लेअफ सम्भावना बलियो बनाउन चाहन्छ । मुम्बई एघार खेलमा छ जित र पाँच हारका साथ चौथो स्थानमा रहेको छ ।
गुजरात यस खेल जितेर प्लेअफमा स्थान बनाउने पहिलो टोली बन्न चाहन्छ । गुजरात एघार खेलमा आठ जित र तीन हारका साथ अंक तालिकाको शीर्ष स्थानमा रहेको छ ।
अघिल्लो खेलमा गुजरातले लखनउ सुपर जायन्ट्सलाई पराजित गरेको थियो । यि दुई टोलीबीच भएको दुई खेलमा दुवै टोलीले १/१ खेल जितेका छन् ।
यो सिजन दुई टोली दोस्रो पटक खेल्दै छन् । पहिलो खेलमा गुजरात ५५ रनको फराकिलो अन्तरले विजयी भएको थियो ।
