काठमाडौँ । नेकपा (एकीकृत समाजवादी) पार्टीका अध्यक्ष माधवकुमार नेपालले जलविद्युत र पर्यटन क्षेत्र ‘इन्जिन अफ ग्रोथ’का रूपमा रहेको भन्दै त्यसको उपयोग, परिचालन र व्यवस्थापनमा ध्यान दिन सक्नुपर्ने बताएका छन् ।
राष्ट्रिय विकास परिषद् बैठकमा १६ औँ योजनाबारे बिहीबार सुझाव दिँदै पूर्वप्रधानमन्त्री समेत रहेका नेपालले नेपालका कतिपय योजनाहरु हचुवाको भरमा अघि सार्दा प्रभावकारी बन्न नसकेको टिप्पणी गरे ।
‘उदाहरणका लागि सबै पालिकामा अस्पताल । भवन बनाइएको छ न उपकरण छन् न दक्ष चिकित्सक ?’, नेपालको प्रश्न छ । उनले प्रत्येक पालिकामा अस्पताल बनाउनुको साटो एक जिल्लामा दुईवटासम्म स्तरीय अस्पताल भए नागरिकले सेवा पाउन सक्ने बताए । ‘तराईको एक जिल्लामा दुई वटा मात्र राम्रो अस्पताल भए बरु त्यो प्रभावकारी हुन्छ’, नेपालको भनाइ छ ।
