जोडिनुहोस
  • होमपेज
  • ट्रेजरीमार्फत साढे २८ अर्ब आन्तरिक ऋण उठाउँदै सरकार

ट्रेजरीमार्फत साढे २८ अर्ब आन्तरिक ऋण उठाउँदै सरकार

काठमाडौँ । सरकारले आगामी मंगलबार ट्रेजरी बिलमार्फत साढे २८ अर्ब रुपैयाँ आन्तरिक ऋण उठाउने भएको छ । २८ दिने, ९१ दिने १८२ दिने र ३६४ दिने गरी चार किसिमको ट्रेजरीमार्फत केन्द्रीय बैंकले उक्त ऋण उठाउने भएको हो ।

राष्ट्र बैंकका अनुसार मंगलबार अर्थात् जेठ ३० गते निष्कासन हुने २८ अर्ब ५० करोड रुपैयाँ बराबरको ट्रेजरी बिलको सोमबार अर्थात् जेठ २९ गते सार्वजनिक बोलकबोल हुनेछ ।

इचछुक लगानीकर्ता बैंक तथा वित्तीय संस्थाहरूले सोमबार दिउँसो ३ बजेसम्म ट्रेजरीका लागि आवेदन दिन सक्नेछन् । केन्द्रीय बैंकका अनुसार कूल ट्रेजरी मध्ये २५ अर्ब रुपैयाँ पुरानै बराबरको पुरानो ट्रेजरी नवीकरण गरेर बाँकी रहेको ३ अर्ब ५० करोड रुपैयाँ नयाँ ट्रेजरी जारी गर्न लागिएको हो ।

बैंकका अनुसार कूल निष्कासन बिल मध्ये ८५ प्रतिशत प्रतिस्पर्धात्मक प्रणालीबाट र १५ प्रतिशत विना प्रतिस्पर्धाबाट बिक्री गरिने बैंकले जनाएको छ ।

यसअघि बैंकले जेठ २२ गते ३० अर्ब ८७ करोड रुपैयाँ बराबरको ट्रेजरी बिक्री गरेको थियो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका