काठमाडौँ । प्रतिनिधिसभाको आजको बैठक बस्दै नबसि स्थगित भएको छ ।
संघीय संसद सचिवालयका महासचिव भरतराज गौतमले आजको बैठक स्थगित भएको र अर्को बैठक मंगलबार ३ बजे बस्ने सूचना प्रकाशित गरेका छन् ।
यसअघि आज अपराहन्न १ बजेका लागि बैठक तोकिएको थियो ।
सुन तस्करी प्रकरणमा अनुसन्धान गर्न उच्चस्तरीय छानबिन समितिको माग गर्दै प्रमुख प्रतिपक्ष नेकपा एमालेले साउन १० गतेदेखि संसद अवरोध गर्दै आएको छ ।
संसदको अवरोध खुलाउन प्रधानमन्त्री पुष्पकमल दाहाल प्रचण्डले आज बोलाएको बैठक निष्कर्षमा पुग्न नसकेपछि आजको बैठक स्थगित गरिएको हो । संसदको अवरोध खुलाउन सोमबार पनि सर्बदलीय छलफल हुने बताइएको छ ।
