काठमाडौं । काठमाडौं उपत्यकासहित देशका विभिन्न भागमा बिहानैदेखि वर्षा भइरहेको छ । मनसुनी वायुको प्रभावले केही प्रदेशमा पूर्ण र केहीमा आंशिक बदली रहेको मौसम पूर्वानुमान महाशाखाले जनाएको छ ।
हाल कोशी, गण्डकी र लुम्बिनी प्रदेशका केही स्थान र बाँकी प्रदेशका थोरै स्थानमा हल्कादेखि मध्यम वर्षा भइरहेको छ ।
आज दिउँसो देशका केही स्थानमा हल्कादेखि मध्यम वर्षा हुनेछ । कोशी र गण्डकी प्रदेशको एक/दुई स्थानमा मेघगर्जन/चट्याङ्सहित भारी वर्षाको सम्भावना रहेको महाशाखाले जनाएको छ । यस्तै राति कोशी, मधेस, गण्डकी, लुम्बिनी र सुदूरपश्चिम प्रदेशको एक/दुई स्थानमा मेगर्जनरचट्याङ्सहित भारी वर्षा हुनेछ । मधेस र लुम्बिनी प्रदेशको तराईका थोरै स्थानहरूमा हावाहुरीकोसमेत सम्भावना छ। अन्य स्थानमा हल्कादेखि मध्यम वर्षा हुनेछ ।
भोलि ९बुधबार० कोशी, लुम्बिनी र सुदूरपश्चिम प्रदेशको एक(दुई स्थानमा मेघगर्जनरचट्याङ्सहित भारी वर्षा हुने महाशाखाको पूर्वानुमान छ । मधेस र लुम्बिनी प्रदेशका तराईका थोरै स्थानमा हावाहुरी चल्नेछ । देशका अन्य केही स्थानमा हल्कादेखि मध्यम वर्षा हुनेछ ।
राति लुम्बिनी र सुदूरपश्चिम प्रदेशको एक/दुई स्थानमा मेघगर्जनरचट्याङ्सहित भारी वर्षाको सम्भावना छ। अन्य केही स्थानमा हल्कादेखि मध्यम वर्षा हुनेछ।
बिहीबार कोशी र सुदूरपश्चिम प्रदेशका केही स्थान तथा बाँकी प्रदेशका थोरै स्थानमा हल्कादेखि मध्यम वर्षा हुनेछ। कोशी र सुदूरपश्चिम प्रदेशको एक(दुई स्थानमा भारी वर्षाको समेत सम्भावना रहेको महाशाखाले जनाएको छ । लुम्बिनी प्रदेशका तराईका थोरै स्थानमा हावाहुरीसमेत चल्नेछ।
लुम्बिनी र सुदूरपश्चिम प्रदेशको एक(दुई स्थानमा मेघगर्जनरचट्याङ्सहित भारी वर्षा हुने महाशाखाको पूर्वानुमान छ। मधेसका साथै कोशी प्रदेशका तराईका थोरै स्थानमा हावाहुरीको समेत सम्भावना छ।
