काठमाडौं । नवनियुक्त महानिरीक्षक (आईजीपी) वसन्तबहादुर कुँवरलाई दर्ज्यानी चिन्ह प्रदान गरिएको छ ।
आइतबार गृहमन्त्रालयमा आयोजित एक समारोहबीच गृहसचिव विनोदप्रकाश सिंहले महानिरीक्षक कुँवरलाई दर्ज्यानी चिन्ह प्रदान गरेका हुन् ।
शुक्रबार बसेको मन्त्रिपरिषद् बैठकले कुँवरलाई आईजीपी नियुक्त गर्ने निर्णय गरेको थियो ।
चैत १० गतेदेखि २९औँ आईजीपी धिरजप्रताप सिंहले अनिवार्य अवकाश पाएपछि नयाँ आईजीपी नियुक्त भएका हुन् । कुँवरले आईजीपी नियुक्त हुनु २ दिनअघि मात्रै चैत ८ गते एआईजीपीमा बढुवा भएका थिए ।
कुँवरसँगै एआईजीपीमा बढुवा भएका टेकप्रसाद राई, दिपक थापा, श्यामलाल ज्ञवाली र किरण बज्राचार्य पनि महानिरीक्षकको दौडमा रहेका थिए ।
