काठमाडौँ— पिक प्वाइन्ट एकेडेमीले अभिभावक दिवस भव्यताका साथ मनाएको छ ।
शनिबार बुढानिलकण्ठ वडा नं १३ स्थित विद्यालय प्राङ्गणमा बुढानिलकण्ठ नगरपालिकाकी उपमेयर अनिता लामा प्रमुख आतिथ्यता र सयौँको सङ्ख्यामा रहेका अभिभावक तथा विद्यार्थीको बीचमा विद्यार्थीहरूले विभिन्न कार्यक्रमहरू गरी अभिभावक दिवस मनाइएको हो ।
कार्यक्रममा बुढानिलकण्ठ वडा नं १३ का वडा अध्यक्ष टिकेस नारायण श्रेष्ठ, विभिन्न विद्यालयका प्रिन्सिपल तथा प्रतिनिधि, विद्यालयका शिक्षक शिक्षिकाहरू, कर्मचारीहरू र ठुलो सङ्ख्यामा अभिभावकहरूको उपस्थिति रहेको थियो ।
कार्यक्रममा विभिन्न विधामा उत्कृष्ट हुने विद्यार्थीलाई सम्मान तथा पुरस्कार प्रदान गरिएको थियो ।
पिक प्वाइण्ट एकेडेमीले विगत २१ वर्षदेखि निरन्तर रूपमा गुणस्तरीय शिक्षा प्रदान गर्दै आइरहेको छ । विद्यालयले स्थापनाकाल देखिनै रचनात्मक, सिर्जनात्मक, अत्तिरिक्त कृयाकलापको साथै सिपमूलक शिक्षामा जोड दिँदै आएको छ ।
कार्यक्रमकी प्रमुख अतिथि लामाले संस्कारसहितको शिक्षामा जोड दिइन् ।
