जोडिनुहोस
  • होमपेज
  • पाकिस्तानको निजी कोइला खानीमा आगलागी हुँदा दुई जनाको मृत्यु, तीन जना घाइते

पाकिस्तानको निजी कोइला खानीमा आगलागी हुँदा दुई जनाको मृत्यु, तीन जना घाइते

इस्लामावाद— पाकिस्तानको बलुचिस्तानको डुकी कोइला क्षेत्रको एक निजी खानीमा आगलागी हुँदा दुई कोइला खानी कामदारको मृत्यु भएको छ भने तीन जना घाइते भएको पाकिस्तानको स्थानीय पत्रिका डनले उल्लेख गरेको छ।

तीन हजार ५ सय फिट गहिराइमा काम गरिरहेका पाँच जना कामदार खानीभित्र रहेको इन्जिनमा आगलागी भएको थियो । डनका अनुसार आगलागीका कारण खानीमा काम गर्नेहरू फसेका थिए र खानी जलेर नष्ट भएको थियो।

खानी निरीक्षक मकसुद अहमदले आगलागीको सूचना पाएलगत्तै उद्धार टोली घटनास्थलमा पुगेको बताए । अहमदका अनुसार उद्धार टोलीले फसेका कामदारहरूलाई उद्धार गर्न अभियान सुरु गरेको छ।

उनका अनुसार घटनास्थलबाट दुई खानी मजदुरको मृत्यु भएको छ भने तीनजना जलेर घाइते भएका छन् ।

अहमदले मृतक खानी कामदारहरूको पहिचान अब्दुल्ला र बरखातुल्लाह भएको र उनीहरू अफगानिस्तानका नागरिक भएको डन पत्रिकाले उल्लेख गरेको छ। अहमदका अनुसार घाइते सैद जान, रुजुद्दिन र मतिउल्लाहलाई उपचारका लागि दुकी अस्पतालमा भर्ना गरिएको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका