प्रतिनिधि सभा सदस्य एवम् नेकपा एमालेका नेता वसन्तकुमार नेम्वाङ अकस्मात बिरामी परेपछि ताप्लेजुङबाट उपचारका लागि काठमाण्डौ ल्याइएको छ । नेकपा एमाले ताप्लेजुङको सचिवालय बैठकमा सहभागी हुन फुङलिङ आउनुभएका नेम्वाङ अचानक बिरामी परेपछि हेलिकप्टरमार्फत काठमाण्डौ ल्याइएको हो । खाना खाएर कार्यक्रममा जाने समयमा बिरामी परेपछि उहाँलाई नजिकैको तमोर अस्पताल लगिएको थियो । पाँचथरबाट निर्वाचित सांसद नेम्वाङ एमाले ताप्लेजुङको इन्चार्जसमेत हुनुहुन्छ । उहाँ आज बिहान फिदिमबाट ताप्लेजुङ पुग्नुभएको हो ।