चार दलीय सत्ता गठबन्धनको अनौपचारिक बैठक बालुवाटारमा जारी छ । आज बिहानैदेखि नेताहरू बालुवाटार आउने जाने क्रम जारी रहेको छ । प्रधानमन्त्रीको सचिवालय सदस्य मनोहरी तिम्सिनाले दिएको जानकारीअनुसार बालुवाटारमा अहिले पनि गठबन्धनका नेताहरूले विभिन्न विषमयमा छलफल गरिरहेका छन् । सरकारका न्यूनतम साझा कार्यक्रम, गठबन्धनमा अन्य दलहरुको सहभागिता लगायत विविध विषयमा छलफल भइरहेको तिम्सिनाको भनाइ छ ।

उनले भने, ‘नेताहरू छलफलमा हुनुहुन्छ । भागबण्डा भन्दा पनि सरकारको न्यूनतम साझा कार्यक्रमको बारेमा छलफल भइरहेको छ ।’ यसबाहेक लोकतान्त्रिक समाजवादी पार्टी र नेकपा एकीकृत समाजवादीसँग पनि प्रधानमन्त्रीले छलफल गरिरहेको एक नेताको भनाइ छ ।