नागपुर –भारतको महाराष्ट्र प्रान्तको नागपुर शहर जी–२० शिखर सम्मेलन अन्र्तगत नागरिक समाज बैठकको लागि सजावटी बत्तीहरूले सजिएको छ। आजबाट मार्च २२ तारिखसम्म दुई दिन सम्म चल्ने बैठकमा जी–२० देश तथा र अन्य देशहरूका नागरिक समाजका करिब २५० प्रतिनिधिहरूले सहभागि हुनेछन्।

जी–२० अन्र्तगत भारतको अध्यक्षता मा भएको विकास कार्य समूह को पहिलो बैठक डिसेम्बर १३ मा मुम्बईमा भएको थियो । बैठकमा सदस्य राष्ट्र, अतिथि देशहरू र आमन्त्रित अन्तर्राष्ट्रिय संस्थाहरूले भाग लिए।

तीन दिने विकास कार्य समूहको बैठकले खाद्य, इन्धन र मल सुरक्षा सम्बन्धी तत्काल सरोकारहरू समाधान गर्न विकासशील देशहरूलाई सहयोग गर्ने प्रतिबद्धता व्यक्त गरिएको थियो । जी–२० मा अर्जेन्टिना, अष्ट्रेलिया, ब्राजिल, क्यानडा, चीन, फ्रान्स, जर्मनी, भारत, इन्डोनेसिया, इटाली, जापान, दक्षिण कोरिया, मेक्सिको, रुस, साउदी अरेबिया, दक्षिण अफ्रिका, टर्की, बेलायत, अमेरिका र युरोपेली राष्ट्रहरू छन्।