अमेरिकाको फिलाडेल्फियामा गोलीबारी हुँदा चार जनाको मृत्यु भएको छ । प्रहरीले यसबारे जानकारी दिएको छ । समाचार एजेन्सी रोयटर्सले स्थानीय सञ्चारमाध्यम र प्रहरीलाई उद्धृत गर्दै उक्त गोलीबारीमा चार जनाको मृत्यु भएको जानकारी दिएको छ ।
गोली लागेर आठ जना घाइते भएका छन् । आक्रमणमा दुई बालबालिका पनि घाइते भएका छन् । सीएनएनका अनुसार यस मामिलामा एक संदिग्धलाई हिरासतमा लिइएको छ र हतियार बरामद गरिएको छ ।
गोली लागेर घाइते भएका दुई बालबालिकालाई अस्पताल लगिएको छ । फिलाडेल्फियाको एउटा अखबारले सन्दिग्धले बुलेट प्रुफ ज्याकेट लगाएको थियो र राइफल र ह्यान्डगन बोकेको जानकारी दिएको छ ।
प्रहरीले विभिन्न स्थानमा घाइतेहरूलाई फेला पारेको छ । स्थानीय समय अनुसार राति ८.३० बजे गोलीबारी भएको हो । बीबीसी न्युजले फिलाडेल्फिया पुलिसबाट यस बारे थप जानकारी जान्न खोज्दा कुनै प्रतिक्रिया आएन ।
