बाजौर— पाकिस्तानको खैबर पख्तुनख्वाको प्रान्त सरकारले बाजौरमा भएको आत्मघाती बम विष्फोटपछि सार्वजनिक भेला र र्याली गर्न प्रान्तभरी प्रतिबन्धको घोषणा गरेको छ।
खैबर पख्तुनख्वाको गृह मन्त्रालयले एक परिपत्र जारी गर्दै प्रान्तभरी सार्वजनिक भेला र र्याली रोक्न डिभिजनल कमिश्नर र उपायुक्तहरूलाई पत्र पठाएको छ ।
गृह मन्त्रालयले उक्त आदेशलाई तत्काल र कडाइका साथ कार्यान्वयन गर्न सबै पदाधिकारीलाई निर्देशन दिएको छ । उपायुक्तहरूले अनुमति दिएका बाहेक सार्वजनिक जमघटमा प्रतिबन्ध लगाइनेछ।
परिपत्रले सार्वजनिक भेला, राजनीतिक प्रदर्शन र र्यालीमा प्रतिबन्ध लगाउनका लागि बिग्रँदै गएको शान्ति व्यवस्थाको अवस्था र बढ्दो आतंकवादी घटनालाई उजागर गरेको छ ।
