काठमाडौं, नेपाली राष्ट्रिय महिला फुटबल टोलीको बन्द प्रशिक्षणमा ४३ खेलाडीलाई डाकिएको छ । अखिल नेपाल फुटबल संघ (एन्फा) ले सोमबार ४३ जना खेलाडीको नाम घोषणा गरेको हो ।
राष्ट्रिय महिला टोलीको बन्द प्रशिक्षण मंगलबारदेखि एन्फा कम्प्लेक्समा सुरु हुने एन्फाले जनाएको छ । एन्फाले आइतबार अनन्त कुमार थापालाई महिला टिमको मुख्य प्रशिक्षक नियुक्त गरेको थियो ।
यस्तै गंगा गुरुङ सहायक प्रशिक्षक नियुक्त भएका छन् । सुरज कुमार लामालाई गोलकिपर प्रशिक्षक नियुक्त गरिएको एन्फाले जनाएको छ ।
