काठमाडौं । न्युजिल्यान्ड र अष्ट्रेलियामा जारी फिफा महिला विश्वकप फुटबल २०२३ को उपाधिको लागि आज आईतबार स्पेन र इंग्ल्यान्डबीच प्रतिस्पर्धा हुँदैछ ।
खेल अष्ट्रेलियाको सिड्नीमा नेपाली समयअनुसार दिउँसो पौने ४ बजे पछि हुनेछ । नवौं संस्करणको विश्वकपले नयाँ च्याम्पियन पाउने पक्का छ ।
स्पेनले स्वीडेनलाई २–१ ले तथा इंग्ल्यान्डले घरेलु टोली अष्ट्रेलियालाई ३–१ ले पराजित गर्दै महिला विश्वकपको इतिहासमा पहिलोपल्ट फाइनलमा स्थान सुरक्षित गरेको छ ।
दुवै टोली पहिलोपटक विश्वकपको च्याम्पियन बन्ने लक्ष्यका साथ मैदान उत्रनेछ । यस विश्वकपमा स्पेन पछिल्लो तीन खेलमा अपराजित छ ।
यता, उपाधि दावेदार टोलीको रुपमा हेरिएको इंग्ल्यान्ड पनि पछिल्लो तीन खेलमा सानदार प्रदर्शन गरिरहेको स्पेनलाई स्तब्ध पार्दै पहिलोपटक विश्व च्याम्पियन बन्ने लक्ष्यमा मैदान उत्रनेछ ।
यि दुई टोली हालसम्म ७ पटक आमाने–सामाने हुँदा चार खेलमा इंग्ल्यान्ड विजयी भएको छ । २ खेल स्पेनले जित्दा एक खेल बराबरीमा सकिएको छ ।
पछिल्लोपटक यि दुई टोलीले सन् २०२२ मा युरो कपमा प्रतिस्पर्धा गर्दा इंग्ल्यान्डले अतिरिक्त समयमा जित निकालेको थियो । स्पेन पछिल्लो तीन खेलमा तथा इंग्ल्यान्ड पछिल्लो सात खेलमा अपराजित छ ।
यसअघि सह–आयोजक अष्ट्रेलियामाथि २–० को सहज जित दर्ता गर्दै स्वीडेनले फिफा महिला विश्वकप फुटबल २०२३ मा तेस्रो स्थान हासिल गरिसकेको छ ।
सम्बन्धित समाचार
लोकप्रिय समाचार
