| कोइराला एकल नेतृत्वको पक्षमा नेपाली कांग्रेसका सभापति गिरिजाप्रसाद कोइरालाले पार्टीलाई सामूहीक नेतृत्वमा लैजान नहुने तर्क गरेका छन् । बहुपदीय प्रणाली अन्तर्गत सामूहीक नेतृत्वमा लैजादा गुट उपगुटमा पार्टी विभक्त हुने भन्दै उनले एकल नेतृत्व नै ठीक भएको बताए । विर्तामोडमा तनाव/कोइराला र ओली सहभागी कार्यक्रमको बिरोध जनआन्दोलन स्मृति स्तम्भको अनावरण कार्यक्रममा नबोलाइएको भन्दै माओवादी निकट शहीद वेपत्ता परिवार समाजले ढुंगा मुडा गरेपछि झापाको विर्तामोड क्षेत्र तनावग्रस्त बनेको छ । समाजका कार्यकर्ताले परदर्शन थालेपछि कडा सुरक्षाबीच नेपाली कांग्रेस सभापति गिरिजाप्रसाद कोइराला र एमाले नेता केपी ओलीले संयुक्त रुपमा स्तम्भ उद्घाटन गरेका छन् । राजविराजमा आजपनि कर्फ्यु स्थानीय प्रशासनले सप्तरीको राजविराज नगरपालिका र राजविराज गुनौली सडकमा पर्ने कोसी पश्चिम नहरसम्म सडक खण्डदेखि दुईसय मिटर दायाँ बायाँ कर्फ्यु आदेश जारी गरेको छ । प्रदर्शन तथा भडप हुन सक्ने आशंकामा प्रशासनले शनिबार पनि उक्त क्षेत्रमा विहान ७ बजेदेखि कर्फ्यु लगाएको हो । एमाले अध्यक्ष खनालका अंगरक्षकद्वारा आत्महत्या एमाले अध्यक्ष झलनाथ खनालका अंगरक्षक नुरापति नेपालले सोमबार अपरान्ह आत्महत्या गरेका छन् । झाडापखालाबाट १७ को मृत्यु झाडापखालाले जाजरकोटसहित विभिन्न जिल्लामा आईतवार र सोमवार थप १७ जनाको मृत्यु भएको छ ।जाजरकोटमा ६, रुकुममा ४ जनाको मृत्यु भएको छ । समायोजनमा आलटाल गरे विद्रोह गर्छौः माओवादी सैन्य कमाण्डर एकीकृत माओवादी सेनाका एकजना कमाण्डरले सरकारले सेना समायोजनमा आलटाल गरे विद्रोह गर्ने चेतावनी दिएका छन् ।सुर्खेतको दशरथपुरस्थित माओवादी सेनाको छैठौ डिभिजनका कमाण्डर महेन्द्र शाहीले सेना समायोजनमा सरकारले समयमै धयान नदिए विद्रोह गर्ने चेतावनी दिएका हुन् । मनाङ हत्याकाण्ड/६५ जना पक्राउ,सनाखत शव आज आफन्तलाई वुझाईने यार्सागुम्वा टिप्न जाँदा मनाङको नारमा हत्या गरिएका सात मध्ये दुई गोर्खालीको शव सदरमुकाम चामे ल्याईएको छ ।आक्रमणपछि भाग्ने क्रममा भीरवाट खसेर ज्यान गुमाएका गोर्खा केरौजाका ३५ वषिर्य ज्ञानवहादुर गुरुङ र २२ वषिर्य शोमर गुरुङको शवको पोष्टमार्टम गर्ने काम भईरहेको छ । मनाङमा सात जनाको हत्याको पुष्टी,६ पक्राउ यार्चागुम्वु टिप्न जाँदा बेपत्ता सात जनालाई मनाङ जिल्ला नारका स्थानीय गाउँलेले कुटेर हत्या गरेको पुष्टी भएको छ । हत्यामा संलग्न ६ जनालाई पक्राउ गरेर सदरमुकाम चामे ल्याएको प्रहरीले जनाएको छ । उनीहरुले कुटपिटबाट मरेका पाँच जनालई एउटै खाल्टोमा पुरेको र दुई जना भागेर लड्दा मृत्यू भएको जनाकारी दिएका छन् । कोसीमा पानीको बहाव कम हुँदै कोसी नदीमा पानीको बहाव कम हुदै जादा बिभिन्न स्थानमा कटान शुरु भएको छ । कटान भइरहेका ठाउँहरुमा तत्काल मरम्मत नगरिए तटबन्धलाइ नै खतरा हुने स्थिति देखिएको छ । कोसीमा पानीको बहाब कम भएको बेला बढी कटान हुने गरेको छ । दाहाल १५ बर्ष पछि गाउँमा एकीकृत माओवादीका अध्यक्ष पुष्पकमल दाहाल १५ बर्षपछि आफू हुर्के पढेको गाउँ चितवनको शिवनगर पुगेका छन् । गाउँमा नितान्त पारिवारिक भेटघाटका लागि उनी मंगलबार भरतपुर आएका हुन् । बल प्रयोग गरेर प्रहरीले सीमा विस्थापितलाई हटायो भारतीय पक्षको ज्यादतीका कारण जिल्लाको नेपाल भारत सीमा क्षेत्रबाट बिस्थापित भएर सतबरिया-२ वनघुस्रीस्थित कर्री सामुदायिक वन क्ष्ाेत्रमा बस्दै आएका सीमाबासीहरुलाई प्रहरीले मंगलबार बल प्रयोग गरी हटाएको छ । हटाउने क्रममा झडप हुँदा तीनजना बिस्थापित र एक प्रहरी जवान घाइते भएका छन् ।घाइते हुने बिस्थापितहरुमा राजपुर-९ भौवा नाकाका गंगाराम रोका, पूर्णबहादुर झाँक्री र राजपुर-७ खङग्राका हितमान रोका रहेका छन् । प्रधानमन्त्रीद्वारा माओवादी नेतृत्वसँग छलफल प्रधानमन्त्री माधवकुमार नेपालले राजनीतिक गतिरोध अन्त्यको प्रयासमा मंगलबार एकीकृत माओवादीका नेता नारायणकाजी श्रेष्ठसँग छलफल गरेका छन् । २४ दलको बैठक पनि निष्कर्षमा पुगेन संसदीय गतिरोध अन्त्यको प्रयासमा मंगलबार बसेको संविधानसभामा प्रतिनिधित्व गर्ने २४ दलको बैठक बिना निष्कर्ष टुंगिएको छ । प्रमुख दलहरु आ-आफ्नै अडानमा कायम रहेपछि कुनै निष्कर्ष निश्कन नसकेको हो । साना दलहरुले भने प्रमुख तीन दलबीच सहमति हुनुपर्नेमा दबाव दिएका थिए । १३ बषिर्य वालक गोली लागेर घाइतेललितपुरको चापागाउँमा टयुशन पढेर फर्किरहेका १३ बषिर्य बालक मनिष केसीमाथि शनिबार गोली प्रहार गरिएको छ । स्थानीय वासिन्दाले केसीमाथि प्रहरीले गोली चलाएको दाबी गरेका छन् गम्भीर अवस्थाका घाइते बालकको शरीरमा १० गोली लागेको छ । दाहालको प्रतिवेदनमाथि टिप्पणी गर्ने क्रम सकियो एकीकृत माओवादीको पोलिटब्युरो बैठकमा अध्यक्ष पुष्पकमल दाहालको राजनीतिक प्रतिवेदनमाथि सदस्यले बोल्ने क्रम सकिएको छ । |
|
|||||||||||||||||
| Home | About Us | Program Schedule | Contact Us | Submit News | Feed Back | Private Policy | |
| © 2008, Sagarmatha Television Pvt. Ltd. | Site Managed by: Footprints Network |